Layuning buksan ang kamalayan ng mag-aaral tungkol sa kalagayan ng Manila Bay, nagsagawa ang BFAR-NCR ang isang coastal clean-up kasama ang mga mag-aaral mula sa Bicol University noong ika-29 ng Hulyo, sa Las Piñas-Parañaque Wetland Park.
Ipinaliwanag ni Bb. Jezzam Gaile M. Piolo, Ecosystems Management Specialist, ang layunin ng Las Piñas-Parañaque Wetland Park bilang nag-iisang santuwaryo sa Kalakhang Maynila na nagsisilbing tahanan ng iba’t ibang anyong-tubig, gayundin ng mga lokal at migratoryong ibon. Inilahad din niya ang ilan sa mga safety measures na kailangang sundin sa pangongolekta upang maiwasan ang aksidente. Nagbigay rin siya ng mga gabay tungkol sa tamang pagse-segregate ng mga basurang kanilang kokolektahin.
Nakakolekta ng 38 sako ng basura ang mga estudyante na may kabuuang bigat na 128 kilo.
Sa pagtatapos ng kanilang aktibidad, ibinahagi ni Mark Warde kung paano nakatulong sa kanya at kapwa niya mag-aaral ang aktibidad na ito “𝘼𝙨 𝙖 𝙗𝙞𝙤𝙡𝙤𝙜𝙮 𝙨𝙩𝙪𝙙𝙚𝙣𝙩, 𝙞𝙩 𝙞𝙨 𝙛𝙪𝙡𝙛𝙞𝙡𝙡𝙞𝙣𝙜 𝙛𝙤𝙧 𝙢𝙚 𝙗𝙚𝙘𝙖𝙪𝙨𝙚 𝙄 𝙛𝙚𝙚𝙡 𝙖 𝙘𝙤𝙣𝙣𝙚𝙘𝙩𝙞𝙤𝙣 𝙩𝙤 𝙣𝙖𝙩𝙪𝙧𝙚, 𝙖𝙨 𝙄 𝙘𝙤𝙣𝙩𝙧𝙞𝙗𝙪𝙩𝙚 𝙣𝙤𝙩 𝙟𝙪𝙨𝙩 𝙩𝙤 𝙩𝙝𝙚 𝙒𝙚𝙩𝙡𝙖𝙣𝙙 𝙋𝙖𝙧𝙠 𝙗𝙪𝙩 𝙖𝙡𝙨𝙤 𝙩𝙤 𝙚𝙣𝙫𝙞𝙧𝙤𝙣𝙢𝙚𝙣𝙩𝙖𝙡 𝙘𝙤𝙣𝙨𝙚𝙧𝙫𝙖𝙩𝙞𝙤𝙣.” # (MB/JGL)